DINA GERENDENG DZIKIR JANARI NYORANG JALAN PANGBALIKAN
JEUNG SAJAK SEJENNA MAWA DIRI ELING KA GUSTI
DINA GERENDENGNA DZIKIR JANARI
Kenging : Undang Sumargana
Diri nyangsaya
Dina rangkulan angin janari
Aya jerit niir
langit
Nembus ka gagana wiati
Dina gerendeng dzikir janari
Sugan diri aya dina pangampura Gusti
Girimis anjog ngembat lalangsé janari
Sanggeus beurang tadi mata poé
Ngarerab kasarakahan nu ngabubulak
Sagebar dosa nu atra
nembongan
Jadi panghalang na doa nu dipersabenan
Mugia ieu dosa ngalembéréh dina pangsujudan
Teu bade nganaha-naha Gusti......
Rumasa, abdi rumasa ieu diri
Dina renghap sadami-sadami
Kuring ngaheja asma Anjeun ya Robbi
Ya Rohman
Ya Rohim
Ya mujibas Syailin.
Keun ieu kalbu sina ngalagu
Ieu ngan ukur pangabakti Ya Illahi
Tasik
Pakidulan Agustus 2022
BACAAN LAINNYA:
- ZIARAH CERPEN ADI ZAMZAM DALAM PERJUANGAN CINTA YANG MENGHARUKAN
- KEKUASAAN ITU BUKAN KEWENANGAN TAPI KEWENINGAN
- ANTARA HIDUP DAN KEMATIAN
NYORANG JALAN PANGBALIKAN
(Kenging Undang Sumargana)
Raga-raga nu ngarigig
mapaes dunya
Geus lumampah
sakarep ingsun
Hirup teu boga rasa rumasa
Ngarasa dirina boga kawasa
Padahal nyawa moal ngancik salilana
Jiwa-jiwa nu angkara
Kalimpudan ku kasarakahan
Padahal
kahirupan dunya ngan ukur hiasan
Naon nu jadi andelan nyorang jalan pangbalikan ?
Naha harta numpuk ladang basilat
Rek tega diwariskeun ka anak incu kana masia
Atawa pangkat jeung gelar kahormatan
Ukur jadi tulisan na tutunggul di pajaratan
Kaadilan Alloh moal melok ku panyombo
Para malaikat moal kabengbat ku carita pangacara
Taya hargana kapinteran keur didunya
Lampah sasar geus moal bisa ditutupan
Tasik Pakidulan Agustus 2022
KIYAMAH
Kenging
: Undang Sumargana
(Haturan
ka wargi pangling-ngeling
kana datangna poe balitungan)
Ting
burisat cahya kilat
Ngalentab
ngahuru jagat
Ngageleger
sora gugur
Langit
genjlong bumi eundeur
Hujan
rongkah,
caah
bedah teu katadah
Bumi
ngaplak taya sisi
Lautan
pindah kadarat
Pangeusina
ting koceak
Jeritna
mapakan langit
Tinggal
raga taya nyawa
Ngagulung nyarah jeung runtah
Langit
rungkad.
Ngalingkup
murulukeun bentang
Muragkeun
bulan, ngabahekeun panon poe
Jagat
ancur nggulung jadi lautan
Taya
sesa sakabeh anu nyawaan
Sukmana
geus ting belasat ngabaliur kabuana
Tinggal raga patulayah nyangkere geus jadi bangke
Reup
jagat simpe rehe
Nunggu
hudang digebrag kumpul di alam masyar
Balitungan
panungtungan, tinimbangan maha adil
Rek beurat kamana timbangan urang?
Katuhu
alamat surga sumber lana kabagjaan
Atawa
Kenca
Alamat
nandang tunggara nngarasa siksa naraka
Wallahu Alam
Gumantung
ka pepelaakan dina lampah kahirupan.
Tasik
Pakidulan, Agustus 2022
LAYUNG SURUP LUHUR LAUT CIPATUJAH
Kenging : Undang Sumargana
Tanding
ciung ngabiur rek muru gunung
Pejah
ombak ngajaul rek ngajul layung
Mepende hate rehe nu pinuh rasa kasimpe
Nyungsi
angin milu lirih muru surup mata poe
Ngampih
beurang datang peuting
Surup
layung kasaput ku kuwung-kuwung
Mangsa Urang kapigandrung
Sora
hegar diri anjeun kalindih seah galura
Ketug
lini nu endeur dina jajantung
Ngarucita
na endahna katumbiri
Mapag
girimis nu ngepris na hujan leutik
Datang
poyan ngeprul banyu kahuripan
Pupulihkeun
na gupay dahan kalapa
Popoyankeun ka sinagar
Ka buana puseur dayeuh
Endah
laut Cipatujah
Pantes
Pangrereban menak
Nu
nyungsi ngelirkeun pikir
Tasik Pakidulan, Agustus 2022
DI MUMUNGGANG KARANG TAWULAN
(Kenging : Undang Sumargana)
Haturan kanggo urang Cikalong,
Tasikmalaya: nu Gaduh Karang Tawulan)
Kungsi di sungsi ka mumunggang
Karang Tawulan
Nyukcruk jalan mapay lacak carita urang duaan
Ilang kalangkang ka saput rambu halimun
Seah ombak nembrag karang
Ukur layung humarurung katiruk ku kuwung-kuwung
Naha urang bisa tepung, .....?
Sedengkeun diri akang masih asa katalimbeng
Teuing kasaha, jeung kamana rek bisa nyanding
Atawa jalan nu masih ngemplad panjang
Diluhureun awun-awun, mubus na mongklengna peuting
Dina girimis nu ngaririncik
Nurih jemplingna burit anu ceurik balilihan
Tasik Pakidulan, Agustus
2022
.jpeg)
