SANTANA KEUR NGLALANA ( Satria Pinilih ti Guha Raksa Sabana Bagian 1)

 SATRIA PINILIH TI GUHA RAKSA SABANA (BAGIAN 1)

rajasastra-us.blogspot.com

Wargi sadaya ieu carita terasna   tina carita “Santana Keur  ngalalana “ ngahaja di judulan “Satria Pinilih ti Guha Raksa Sabana”. Saluyu tempat nu jadoi pangrereban Santana dina ngasakeun elm una.

sim kuring ngagarap deui carita nu katunda  anu geus cukup lila. Bilih aya wargi nu can kantos maos   carita sa teuacana tiasa diungkab deui  dina carita “Santana Keur Ngalalana ti bagian ka 1 nepi ka bagian ka 6.

Ringkesan carita Santana Keur  ngalalana bagean 6

Santana manggihan Guha nu ngaranna Guha Raksa Sabana, didinya katitenan aya tulisan jeung gambar-gambar anu ngarupakeun elmu silat dina tataran luhur. Ti saurang pendekar nu ngaranna “Ki Ajar Sakti” anu akhirna katalungtik yen Ki Ajar Sakti ngarupakeun Bapa ti Dua Guru Santana. Ti harita Santana keyeng hayang asup deui ka Guha tapi teu bisa sabab kudu ngawasa heula elmu ti guruna Ki Ajar Pangestu. Ti harita Santana soson soson diajar ti Ki Ajar Pangestu, anu akhirna Santana mikamilik sakabeh elmu Ki Ajar Pangestu. Nya waktu ieu Santana Asup Ka Guha Raksa Sabana kalawan ijin jeung restu ti guruna

 SATRIA PINILIH TI GUHA RAKSA SABANA (BAGEAN 1)

Sabada solat subuh harita the , santana geus manco hareupen nu jadi guruna Ki Ajar Pangestu

“Jalu anaking, isuk-isuk poé ieu hidep geus waktuna asup ka jero guha Raksa Sabana, wayahna hidep moal bisa di barengan ku Kula, sabab iwal ti hidep  nu  bisa asup ka jero guha, sarta tilu wanara Sakti jeung maung bodas, nu bisa lalar liwat, bisa maturan hidep sarta nyadiakeun kaperluan hidep. Sok jalu sadatang ka jero guha kabeh  nu aya di jero guha bakal mere pituduh pikeun hidep di ajar pengaweruh nu bakal jadi warisan ti Bapak Kula Ki Ajar Sakti ”.

“Ki Guru salami ieu  putra rumaos seueur nyesahkeun, elmu Ki Guru no tos kapimilik mugia manfaat, insya  Allah Santana baris ngajalankeun sakumaha nasehat pun Guru”

“Kula rek ngawariskeun ieu gegaman mangrupa Cameti Sakti pikeun gegaman hidep di mana hidep hiji waktu bisi adu hareupan jeung musuh, tapi tong digunakeun lamun teu kapaksa, engke oge bakal aya pituduh kumaha cara ngagunakeun nana”. Santana namapanan eta gegaman mangrupa cameti anu digulungkeun, karasa waktu ditampanan aya  hawa tiis nu nyaliara  kana sakujur awakna.

“Hiji deui jalu ieu bungkusan rompi jeung calana cingkrang nu dijieun tina kulit lodaya 20 taun ka tukang, bisa dipaké ku hidep lamun pareng hidep turun gunung, lamun hidep maké  ieu rompi jeung calanana moal aya pakarang nu bisa nembus kana awak hidep sarta dilengkepan jeung tutup sirah sarta sapasang sapatuna”. Nga geter  Santana nampanan barang ti Guruna, aya nu ngeclak ngalembereh dina pipina cimata kabungah sarta rasa sedih kingkin bakal papisah jeung guruna.

“Bral jalu geura indit nuju ka jero Guha”. Guruna ngarangkul Santana. Sanggeus lesot tina rangkulan  Guruna ngaleos atuh santana teu loba carita, jleng luncat clé neté na batu handapeun tangkal caringin teurus Santana ngageroan Si belang, teu lila Si Belang geus aya hareupeunnana.

“Belang hayu hidep, milu ka Kula, ke kukula diwawuhkwun jeung tilu Wanara Sakti oge maung bodas”.

“Si Belang nemalan bari ngunggutkeun sirahna”. Jleng Santana luncat kana tonggong Si Belang, belesat lumpat Tarik naker, teu lila geus aya dihareupeun lawang guha, di dinya geus nyampak maung Bodas sarta tilu Wanara Sakti. Sakilat Santana geus aya hareupeun Maung Bodas sarta tilu Wanara Sakti,

“He Sobat-sobat kaula ieu batur kula Si belang bakal jadi batur hidep, tapi wayahna belang hidep moal bisa kaluar asup ka guha, sarta belang hidep moal bisa nembus lawang  guha. Hidep jaga di luar sawaktu-waktu mun ieu Si Bodas jeung wanara kaluar hidep bisa babarengan, saluyu jeung paréntah Si Bodas”. Si Belang ngadeukeutan maung bodas sarta manéhna ngaléndotan Si Bodas sarta tilu wanara, tandaning nurut kana carita Santana, sarta manéhna baris nurut ka paréntah sarta jadi sobat Maung Bodas ogé tilu Wanara Sakti.

Santana terus asup ka Jero guha, dituturkeun ku Maung Bodas sarta tilu wanara Sakti, Ari Si Belang ngaléos kana rungkun deukeut guha nu aya batu niung ngajegir. Sabada nepi ka jero guha, Santana diuk na batu nu ngadémprak, manéhna menekung ka nu agung sarta nyeukeutkeun pangrasa, panenyo sarta pangdéngena, ku hal itu Santana geus bisa nganyahokeun sakabéh nu aya di jero guha kaasup  tampian  tempat wudu ogé paranti mandi, sarta tempat paranti sholat.

“Emh… bener bener luar biasa ieu guha, sagala kumplit lir ibarat wangunan imah anu kacida laluasana” Santana ngilikan pituduh anu aya dina sisi guha pikeun nalungtik kudu timana manéhna mimiti diajar, akhirna Santana mangihan tulisan ngajeblag anu unina kieu.

“Bismillah wiwitan gawé pancegkeun haté nu ikhlas leungeun namprak dina dada sila na amparan bumi, sirah tungkul bari syukur, insya Allah sagala hal  bakal mangfaat natrat asal terus marifat, sajam satengah bada subuh tong kaganggu ku rasa tunuh”. Akhirna Santana ngarti naon mimiti nu kudu dilakukeun. Nganung harti  kula timimiti subuh engké geus kudu ngalakonan ieu pituduh. Akhirna santana mapayan sagala pituduh nu ngajareblag dina batu sisi guha. Teu karasa waktu geus nepi ka lohor hal éta datang tina isarah batu anu bentukna saperti kohkol nitir lamun geus waktuna solat.

Santana muru tampian sarta kumplit aya tempat bubuang, singhoréng eta tampian nyurug tina sumer cai nu di kocorkeun ku coléng awi, sarta tina tampian nyamung kaluar kawalungan gedé anu aya di luareun guha, sedengkeun dua meter ti tampian aya lawang leutik paranti kaluar asup ka sisi walungan, aya pituduh husus pikeun muka jeung nutup eta panto nu  dijieun tina batu, ku cara mencét tomol batu. Hal éta kanyahoan tina tulisan dina  kulit kelenci nu nga haja disiapkeun ku Ki Ajar Sakti.

Nyobaan Santana muka eta panto saluyu jeung pituduh, panto lalaunan muka sarta diluar aya batu niung sarta pangdiukan paranti nyawang kaéndahan sisi walungan sarta kaéndahan séjén nu aya di jero guha. Tapi santana teu lila sabab maksudna ogé rék mandi tuluy solat. Dina hiji kamer di jero guha cukup kira-kira keur 5 urangeun.

Beres solat santana ulak ilik néangan ruang khusus pikeun leleson nya kapangih aya hiji ruangan ukuran 3 meter ka opat meter dijerona aya batu ngabentuk meja nu geus ditumpangan ku kulit eme leuweung leuwih ti cukup keur saré duaaneun sarta karasa empuk sabab dilapisan ku kapuk menunang mungkus.

“Subhanalloh ieu mah tempat sare anu kacida méwahna, gerenendeng haté Santana. Sedengkeun maung bodas milu nuturkeun sok sanajan ngan ukur di sisi lawang kamar. Minangkanamah ngajaga jeung nalingakeun gerak gerik Santana.

BACAAN LAINNYA

• METAFAKURI PENCIPTAAN LANGIT DAN ALAM
• SASAMBAT SANG BANYU KEUR KAMANUSA JEUNG 3 SAJAK SEJENNA
• DI PUNCAK  KARANG TAWULAN

“Bodas milu asup jeung kula maneh sare di jero jeung kula! “

“Maung Bodas ngagideugkleun sirahna tandaning nolak kana pamenta Santana”.

“Santana ngarti kana panolak Si Bodas memang  Tugas SI Bodas ngajaga diluareun kamer”.

Sangeus ngaso sakeudeung santana kaluar deui ti jero kamar, manehna neruskeun nalungtik nu aya di jero guha kalayan di papay taya nu kaliwat. Santana beuki ngarasa helok, sabab tempat tempat diguha kacida endahna pinuh ku hiasan alam anu moal eleh ku buatan manusa. Malah aya hiji kenop ari diteken ti luhur ting baranya sababarha batu mancarkeun cahaya nepikeun ka éta dijero guha ngempray caang, sing horéng éta kenop ngahubung jeung panutup batu batu nu caang tadi.

“Ya Allah sanajan éta batu nu mancarkeun cahaya batu alam, tapi tapi diropéa make leungeun manusa anu kacida trampilna” Gerentena hatV manehna  pinuh kurasa helok anu taya bandingna.

Teu karasa datang waktu asar, datang waktu asar, sabada solat Santana ditungtung ku wanara nuju kana hiji ruangan. Sing horeng karuangan tempat dahar didinya geus nyampak beuleum taleus, beuleum lauk, malah aya bubuahan jeung cai heneut tina teko nu dijieun tana awi sarta cangkir awi parenti nginumna.  Santana ngan ukur ngarérét ka wanara, Wanara méré isarat sangkan Santana ngeusian beuteng.

Waktu beurang kaganti ku sorē  manjing asar teu lila datang magrib.

Maju kapeuting Santana ngagolédag dina pangsaréan sabada ngalaksanakeun kawajiban jeung babacaan sakumaha umat muslim.

Jam 03.00 manehna geus ngoréjat hudang pikeun tahajud sarta ngadagoan wanci subuh. Sabada solat subuh manéhna ngahaja muru tempat anu rada lega. Leungeunna nampark dina dada, sirah tungkul sarta pikiranana musat kanu kawasa, hawa tiis nyulusup nyaliara kana awakna, teu kanyahoaan ku dirina aya cahaya bodas semu cekas ngalimpudan dirina anu akhirna asup kana awakna bareng jeung rasa haneut ngalimpoudan awakna. Kusantana dirasakeun bari jeung di kadalikeun ku cara narik leungeuna kana hulu  ati. Kitu jeung kitu we nepi ka beurang, karasa awakna leuwih hampang lir meunang kakuatan anyar. Hal eta dilakukeun salila 3 subuh, nepika sinar bodas herang nu asup kana awakna bener bener geus dipimilik ku dirina, nepika awakna bisa hampang ngalayang leumpang dina angin nu taya tincakeun. Sing horeng Inti tina elmu saepi angin nu pernah diajarkeun ku guruna geus nepi katahapan anu sampurna, dina harti manehna bisa leupang dina tempat nu taya tincakeun ngalayang di awang-awang. Poe ka opat jeung saterusna manēhna   ngalatih jurus jurus sakumaha anunantrat dana batu di jero guha kabeh dilatih satahap -satahap taya nu kaliwat. Saperti harita manehna ngalatih elmu baraja geni dina tahapan akhir. Sinar biru bisa kaluar tina leungeunna kalayan bisa ngaluarkeun panas anu rohaka. Ku jalan ngaluarkeun inti panas, panas nu bis kaluar kacida rohakana, beusi bae bisa leyur jadi cai.

KLIK DI SINI

NYAMBUNG KA BAGEAN 2