PEUTING SIMPĔ SISI LAUT CIPATUJAH JEUNG 4 SAJAK SEJĔ NNA

PEUTING SIMPĔ SISI LAUT CIPATUJAH
JEUNG OPAT SJAK SEJENNA

Kenging   : Undang Sumargana

MEMBUKA KEMBALI  5 PUISI PUISI MASA LALU DALAM CERITA PENUH KESEDIHAN

rajasastra-us.blogspot.com5 Puisi  yang disajikan penulis dalam bahasa Sunda, ini diambil dari puisi  puisi  yang penulis saat batin teriris dalam kesedihan, dan rasa kegundahan dalam kehidupan. Selain itu  menggambarkan suasana malam, suasana laut dan suasana alam  

Selamat membaca selamat menikmati isi sajak tersebut

PEUTING SIMPĔ SISI LAUT CIPATUJAH
Kenging   : Undang Sumargana

Sebot bulan ngintip tina sela méga

ombak motah malidkeun runtah jeung sarah

budah laut budak ombak, budah haté nu keur simpé                                 

angin leutik milu ceurik ngarenghik teu bisa usik

 

Sebot béntang neuteup karang

Nu nangtung rék nagjak tarung

baeu ombak, hiap lambak

yeuh pejahkeun dada kuring

nu sakti lalanang jagat.

 

Sebot angin rereuh heula, nyangsaya na pucuk kalapa

Katineung datang némbongan, nyéléké na dasar haté

aya asih nu reuntas na dahan simpé

aya katineung nu tilem na dasar sagara,

dasar haté pangjerona...!

Tasik Pakidulan,    Oktober 2008

 

CARITA SIMPĔ

Kenging   :  Undang Sumargana

 

Langit ceurik balilihan

angin ngabintih heulang laut

nu keur ngapak jomantara

tuluy nyangsaya

na méga nu rarengat karérab mata poé

 

Sebot ombak rereuh heula

kikisik lilir ngulisik hudang tina pangimpian

mapag layung humarurung

kalarung jeung kapigandrung

 

Na amparan budah lambak

aya lalakon katresna

nu teu tulus ngamuara

ngangkleung ka sagara panineungan

Tasik Pakidulan,     Oktober 2008 

SURAT BALEBAT  KEUR  KI  SUNDA

Kenging : Undang Sumargana

 

Milang taun lir milang kamelang

Melang ka Ki Sunda sieun leugit tatapakan

Hariwang ku kalangkang  nu datang ngalelewaan

Sunda nanjeur sunda nanjung

Sunda midang mangka langgeng

Digjaya ngudag kawaluyaan

Ngababakan di sarakan panghuripan

 

Wilujeng Milangkala  Dangiang Sunda Pakidulan

Kitu ceuk soara bari ngawurkeun saruntuyan imut

Nu nyumput satukangeun mega

Aya sora ngadangding ngajakan eling

Kawih asri ngahariring, ngentring na langit bihari

 

Karisi teu lantis ku girimis ngepris

Risi hirup kasaput ku haseup dayeuh

nu kotor cakeutreuk hideung

jati ........ kasili  ........ ku junti

Duh ......palias......... teuing

 

entreng kacapi kiwari mimiti pamit

Tepak kendang narungtutan laleungitan

Mun wasa nyarita kuring rek nitip asih

Na gerelik suling nembang kamelang

Sangkan Ki sunda lilir ngulisik

 

Bulan nu ngangkleung balayar di langit Bandung

Widadari turun langit.......

ngalayang lebah tanjakkan lembang

Nanggeuy deudeuh

mawa kanyaah Ki Sunda tong kajongjonan

 

ngungkab carita mangsa lawas

Bumi  endeur Tatar sunda lir  oyag ku lini badag

Samagaha sarengenge

Totonden Ki Sunda nandang tunggara

Prabu maharaja lambang kasatriaan

Lambang kaprawiraan

Jujuluk prabu wangi

Cita resmi nu tega ngemasing pati

Ngajungjung ajen diri wanoja anu satia

Bumela ka lemah cai

Prabu Siliwangi  saterusna katelahna

Jujuluk  ka raja Sunda                                                                                            

Nu toweksa ka rakyatna

 

Hayu Ki Sunda .....

Geura  lugay nguniang pinuh harepan

Wawangi  siliwangi jadi bukti

Ku sunda pernah digjaya

Wastu kencana  di karaton Sura wisesa

Pangaruhna ngabuana

Kawali nu jadi saksi

 

Gedurkeun deui obor Bandung Lautan api

Na dada arandika

Dada Ki sunda nu boga tekad  rohaka

Ki jalak harupat bukti kuat

Ki sunda teu jejerih sieun ku pati

 

Sunda midang ,sunda nunjang ,sunda nanjung

Beungkeut pageuh ku tali silaturahmi

Silih asah-silih asih sili asuh

 jadikeun tatapakan nu  nyoko  na kailhlasan

Tasik Pakidulan,     Oktober 200

KEUR BARAYA ANU REK MIANG

Kenging : Undang Sumargana

 

Bulan nu ngangkleung balayar di langit Bandung

Dayang Sumbi turun langit.......

ngalayang lebah tanjakkan lembang

Nanggeuy deudeuh

mawa kanyaah ka nu miang

mungkas tugas kadinesan

 

Wilujeng paturay dulur

Mun wasa nyarita kuring rek nitip asih

Na gerelik suling nembang kamelang

Sangkan urang paturay pinuh ku kamaslahatan

Sukur geuning aya kénéh umur
jang ngawincik kamalir wanci nu ngari
jang ngaropéa lambaran mangsa nu nyésa
ngalakonan lalakon nu duka léokna ka mana

 

Basa keretas bodas ngan wasa tumamprak
Najan sakumaha mangsi sumiriwik nurih mangsa
Urang Ngan silih téangan lebah,

 lebah mana hariring lalakon mancen gawe
Naha nyelap 'na raga nu amis daging
Atawa dikeukeuweuk nyawa nu gulet tanding jeung wanci?

 Urang Pada-pada milang sada jero dada
sarua saru ku sora jeung sora
Nepika hiji mangsa. Mun dina rencep girimis
Aya kalieus jeung kalinces seuneu nu ngahuru kasarakahan

Teu kudu di ceos  da moal lantis   ku sakeclak cai

 

Aya lolongkrang némbongkeun gurawang kalewang
Aya léngkah-léngkah panineungan lalaunan ngajauhan
Ninggalkeun simpé na hate

Wilujeng paturay .......

 

Tasik Pakidulan,     Oktober 2008 

 BACAAN LAINNYA

• 6 PUISI WAHYU SETIA SI PENYAIR BERHATI DINGIN
• LAMUNAN SANG DIREKTUR SD MANA BOA
• SUARA KESUNYIAN BUKU KUMPULAN PUISI KORIE LAYUN RAMPAN

ANJEUN NULISKEUN CARITA

Kenging : Undang Sumargana

 

Anjeun mangsana  reureuh tina sora,

 tina kelir kahirupan nu geus disorang
sanggeus lana babarengan ,
anjeun geus bisa nulis  carita nepi ka rense mancen gawe

sedengkeun kuring can puguh nepi ka tamat

Séah angin kapireng ngahudang bangbaluh. Nyeuit
ngagerihan haté mangsana paturay

Sanggeus mangtaun-taun mancen gawe babarengan

 Hujan lir cimata langit
rongkah ngajeritkeun kapeurih.

 

Wilujeng kantun

Wilujeng paturay

mugia pinanggih bagja

 

KLIK DI SINI

Tasik Pakidulan,    2008